امثال شعبيه مصريه بحته للي عايز يعرف

أحمد زى الحاج احمد الاتنين اخوات
احيينى النهاردة و موتنى بكره
أخبار البلد مع مين ؟ مع العمى و المكسحين
اخته فى الخمارة و عامل إمارة
أخرس و عامل قاضى
أدب ابنك صغير تفرح بيه كبير
الأدب فضلوه عن العلم
أدعي على ابنى و أكره اللى يقول آمين
أدعى على ابنى و قلبى يقول بعيد الشر
ادوا للأعمى فرخة قال وا يش حال المفتح

قال ايش غرض الاعمى قال قفة عيون
ادى العيش لخبازينه و لو ياكلوا نصه
ادينى عمر و ارمينى البحر
إذا اختلف اللصان ظهر المسروق
إذا كان عندك السمن قنطار لا تقلى للعدس و لا البصار
إذا كنت بتكره حد ما تقولش قدام عيالك
اربط الحمار مطرح ما يقول صاحبه
أردب ما هو لك لا تحضر كيله تتعفر ذقنك و ما ينوبك غير شيله
ازرع ابن آدم يقلعك
اسم الله على الجلة من النجاسة
اسى الولادة منسى
اشترى الجار قبل الدار
أشكى لمين و كل الناس مجاريح
اصبر على الجار السو ليروح لتجيله زيحة
أصحاب العرس مشتهين المرق
الأصيل يتعاتب أما الندل ما يتعاتبش
اضرب المربوط يخاف السايب
اطبخ يا عبد كلف يا سيد
اطلب لأخوك الخير ان ما جالك منه يكفيك شره
اعمل الخير و ارميه البحر
اعمل اللى عليك و الباقى على الله
أعمى بينادى أطرش لا ده شايف و لا ده سامع

الأعور وسط العمى سلطان
افطر بيه قبل ما يتغدى بيك
الأقارب كالعقارب
الأقرع بياكل حلاوة ، قال : بفلوسه
أكتر من الهم على القلب
اللى تكره وشه يحوجك الزمان لقفاه
اكفى القلة على فمها تطلع البنت لأمها
أكل و مرعى و قلة صنعة
الألف تجر اليه (الياء)
الله يخليكي يا شدة ياللى تبينى ده من ده
اللى اختشوا ماتوا
اللى افتكرنى ما عقرنى و لو جاب طوبة و زقلنى
الللى انضرب الكف يستحمل الألف
اللى ايده فى المية غير اللى ايده فى النار
اللى بلا أم حال يغم و لا بلا أب حاله كرب
اللى بنى مصر كان فى الأصل حلوانى
اللى بيته من ازاز ما يحدفش الناس بالطوب
اللى تتجوز يوم الأربع على بيت أبوها ترجع
اللى تجوز يوم الحد ما يعلاش عليها حد
اللى تجيبه الأرياح تاخده الزوابع
اللى تحمل همه ما يجيش أحسن منه
اللى تشيل الفحل تشيل الوحل
اللى تعرف ديته اقتله
اللى تفكه بايدك ما تفكوش باسنانك
اللى تقول عليه موسى يطلع فرعون
اللى تدلعه الحية يخاف من ديلها
اللى حبه ربه و اختاره جاب له حاجته حتى باب داره
اللى حماتها تحبها الشمس تزهزه لها
اللى راسها بتوجعها صيت أبوها ينفعها
اللى سبق قعد على الطبق
اللى عاجبه من الكحل يتكحل و اللى مش عاجبه يترحل
الى على البر عوام
اللى على راسه بطحة يحسس عليها



الامثال ديه طول عمرنا نسمعها
في اللي بيقولها وفي اللي مبيقولهاش
في اللي عارفها وفي اللي مش عارفها

بس رغم كده تلاحظ ان لكل موقف تلاقي ليه مثل لدرجه ان احيانا
تحس ان الناس ماكنوش بيعملوا حاجه غير انهم ياْلفوا الامثال


اخوكم المخلص دائما body

الف شكر

الشكر لله