مقارنة بين الاولاد والبنات

احلى مقارنة بين الولد والبنت

المقارنة الاولى

بالنسبة للفتاة لو مر من امامها ولد وكانت معجبة به فانها تلقي عليه نصف نظرة من تحت لتحت حتى لا يفضح امرها

- أما بالنسبة للولد يا لطيف : يدير عنقه 360 درجة كالصقر وتجد نصف سكان الحي قد كشفوا امره من خلال تلك النضرة البلهاء


المقارنة الثانية


حين نجد قط غير مرغوب به داخل البيت

- بالنسبة للفتاة فانها تقترب من القط بهدوء وتمسكه برفق ثم تطعمه وبعد أن ينتهي تتوجه الى الباب على مهل وتحطو في الخارج بكل ادب ثم تغني له أغنية آسفة لأصالة نصري والسبب أن والدها لايحب سماع المواء اثناء نومه لذلك توعد القط أنها ستدخله غدا والمسكين ينتظر الغد بفارغ الصبر ثم تغلق الباب وتذهب للنوم


- اما الولد فلا يصدق نفسه حين يرى قطا داخل البيت . في تلك اللحظة يتخيل نفسه زين الدين زيدان يسدد ضربة حرة فتجد القط المسكين مسدد به في الزاوية اليسرى للنافذة وهو طائر تسمعه يقول القط للولد (روح ربنا ينتقم منك ) قبل أن يسقط في أقرب زبالة


المقارنة الثالثة


* حين نجد بطل أفلام الرعب لدى الفتيات ( الصرصور )


- حين تجد فتاة صرصورا بالليل تصرخ كأنها تسوي السمفونية الأخيرة لبتهوفن


ثم تستجمع شجاعتها وتحضر المبيد وترشه وهي تقول حتموت يعني حتموت والله لأموتك والصرصار بيضحك على خفة دمها لحد مينزل عليه أبوها بالقبقاب


- أما بالنسبة لأخينا فانه حين يجد صرصار ينتابه جنون العظمة فيعتقد انه هتلر ويضحك ضحكة حتى تبرز جميع أضراسه المخفية ثم يمسك الصرصور ويبدأ بعملية التعذيب فينزع له الرجل الاولى

ويسأله : بابا فين ؟

الرجل الثانية : ماما فين ؟

الثالثة : اخواتك فين ؟

الرابعة : ساكن فين ؟

الى ان تنتهي أرجل الصرصور ويتركه حيا حتى يكون عبرة لكل صرصور حاول أن يتجرأ ويظهر له وهو موجود



المقارنة الاخيرة


* خناقة بين اثنين من بني جنسهم


- بالنسبة لفتاتين بيتخانقوا أنت لا تسمع سوى :


انتي ما بتفهمي .


لأ انتي للي ستين ما بتفهمي .


الزمي حدودك انت للي ستمية وستين ما بتفهمي .


والله انت جريئة أوي ده انت للي ستة ألاف وستمية وستين ما بتفهمي.


الى ان يصلوا للعدد 66666666666666666666 من كلمة ما بتفهمي .


- اما بالنسبة للصراع بين الجبابرة ( الرجالة يعني ) :

فكل الكلام .. تحت الحزام.

وبعد الخصام .. يحلى السلام.
__________________

ههههههه
اه فعلا فيه بنات تحس انهم مش بنات
ناس متوحشه
بشوفهم فى الجامعه
بس بعمل نفسى مش واخده بالى
وبتفرج من بعيد لبعيد

لا متخافش مبحبش العنف ده
دانا حتى لما اشوف اخويا بيلعب مصارعه والحاجات ديه
مبحبش اقعد جنبه على الجهاز
علشان بدايق

اية الرقة دى

ههههههههه
شوفت
انا اخرى العب بلاى استيشن بس
غير كده نوووو

ماشى يا جميل

حرام دة ظلم وانا حجيب المقارنة الحقيقية للولد والبنت مش المزيفة دة عوزين يخلوا الراجل هو المفتري دة حرام احنا لازم نعمل نقابة الرجال المظلومين

انتو هتتفقو علينا ولا ايه
متخلينا حلوين احسن
هى مقلتش حاجه غلط دى حقيقه طبعا
ههههههههههههه
ميرسى ياقمر موضوعك جميل اووووووى

لا متخافيش يا عاشقه الرومانسيه
هوه فيه حد بيقدر على البنات
هما بيتكلموا وبس وبيزعقوا
لكن فى الاول والاخر احنا نكسب
ههههههههههههههههههههه

انتوا هتعملوا حزب علينا ولا ايه
خليكوا كويسين كده ولطاف
واحنا فعلا اخوات يا احمد
والاخوات دايما تلاقيهم بيشاكسوا بعض
لو حتى على الهايفه

انا معاكي وربنا معانا

اه والله فعلا ربنا معانا
انا اخواتى مطلعين عينى
بس ياله خليها علينا زى اخواتنا برده