ahmedsalah_333 مشرف المنتدى
عدد الرسائل : 472 العمر : 38 تاريخ التسجيل : 29/10/2008
| موضوع: تهييس على الماشى كدة....! الأربعاء نوفمبر 19, 2008 10:34 pm | |
| س: إيه أكتر فيلم عربي بتحبه؟ أنا: إل بالي بالك و لو إني زهقت منه س: لا بجد, فيلم قديم طيب؟ أنا: معظم أفلام إسماعيل ياسين س: ممممم, يا راجل! طب إيه رأيك في أرض الخوف؟ أنا: معرفوش س: أحمد زكي لما كان ظابط و راح إشتغل تاجر مخدرات أنا: ماليش أنا في أحمد زكي أصلا س: معقول متعرفش أرض الخوف, ده دينيرو قاله إنو يستاهل عليه أوسكار أنا: ماهو دينيرو قالي أنا كمان كده, صباح القلش س: و بعدين ماله أحمد زكي؟ أنا: يجي إيه أحمد زكي جمب واحد عبقري زي عادل الفار! س: إيه رأيك طيب في فيلم صلاح الدين أنا: ده فيلم كارتون ... ثواني, الناظر صلاح الدين وللا الناصر صلاح الدين!؟ س: الناصر صلاح الدين أنا: ماشي, كده تفرق كتير ... ده فيلم وائع مالوش لازمة س: ممممممممممم أنا: على فكرة, حرف الميم شكله معلق عندك في الكيبورد س: ههههههه, ماشي أنا: و حرف الهه بيشاور عقله, إرمي الكيبورد ديه أحسن س: إيه رأيك في شفيقة و متولي؟ أنا: مبحبش السقا و منى زكي س: لا, التاني إسمه تيمور و شفيقة أنا: معلش أصلي نمت فيه, لاكن متولي ده معرفوش س: طب قولي بقى رأيك في نهر الحب؟ أنا: أنا ليا نظرية في الأفلام العربي س: إيه؟ أنا: أي فيلم في إسمه كلمة "حب", يبقى فيلم وائع و مضروب بالنار س: عمارة يعقوبيان؟ أنا: فيلم زبالة س: ليه كده؟ أنا: مالوش قصه, تحس إن كاتبه واحد ترزي س: ماهي القصة إن كل مصر بقت زبالة أنا: حلو بس لازم برضة يبقي في فيلم مش شوية ناس ملهمش علاقة ببعض س: لا العمارة بتجمعهم ببعض, و هي بترمز لمصر و السكان هما الطبقات المختلفة في الشعب أنا: كفتة يعني, سيمبوليزم بتاع تالته إبتدائي س: طب إبقى شوف أرض الخوف أنا: في واحد إسمه زوجة رجل مهم و في ضد الحكومة دول مش بطالين س: ماهو إل أخرج أرض الخوف هو نفسه بتاع زوجة رجل مهم إل هو محمد خان أنا: اااه, كلفتي يعني س: كلفتي مين!؟ أنا: تسمع عن البلوجز؟ س: لا, إيه دول؟ أنا: مواقع على النت, حاجة كده زي الصحافه الصفرا س: ماشي أنا: أهو خان كان عنده بلوج إسمه كلفتي س: فيه إيه أفلام تاني؟ أنا: سواق الأتوبيس, مش فاكره بس فاكر إن أخره عجبني و فيلم العار جامد س: أحلى الأوقات؟ أنا: بتاع عمرو واكد و حنان ترك؟ س: أيوه أنا: فيلم كفته س: بتحب تشوف محمد منير؟ أنا: أيوه, لما بكون قافل التلفزيون س: طب بتحب تسمعه؟ أنا: لما بكون قافل الراديو س: برضه! كله إلا منتي يعني ... طب إيه رأيك في يوسف شاهين؟ أنا: مش بفهم أفلامه س: إزاي ده عايز يوصل فكرة إن الدين لله و الوطن للجميع أنا: لو لازم بعني يوسف شاهين, يبقي فيلم المصير كويس غير كده بطاطا س: طب أنا حانام دلوقتي أنا: ينفع أنشر الحديث ده؟ س: لأ أنا: بدون أسماء طيب؟ س: لأ أنا: خلاص حاجيب واحد صاحبي و حاسأله نفس الأسئلة و أخليه يقول نفس إجاباتك و أنشره
ملحوظة أنا معلوماتي السينمائية فقيرة إلى حد كبير و بالتالي عذرا لو وجدت أي معلومات غير دقيقة هنا | |
|
fadl36
عدد الرسائل : 304 العمر : 40 من دولة : تاريخ التسجيل : 24/06/2008
| موضوع: رد: تهييس على الماشى كدة....! الأربعاء نوفمبر 19, 2008 10:57 pm | |
| منكن اعرف مين المحاور ولا دة نوع من الانفصال ؟ | |
|
ahmedsalah_333 مشرف المنتدى
عدد الرسائل : 472 العمر : 38 تاريخ التسجيل : 29/10/2008
| موضوع: رد: تهييس على الماشى كدة....! الأربعاء نوفمبر 19, 2008 11:29 pm | |
| دة حوار مؤلف مع شاب من اللى دماغهم مش معاهم
| |
|
kary عضو مميز
عدد الرسائل : 371 العمر : 36 تاريخ التسجيل : 29/10/2008
| موضوع: رد: تهييس على الماشى كدة....! الجمعة نوفمبر 21, 2008 5:48 pm | |
| ربنا معاه ويلاقى دماغه فعلا تهييس على الاخر | |
|
Diego2010 مشرف المنتدى
عدد الرسائل : 158 العمر : 40 تاريخ التسجيل : 03/11/2008
| موضوع: رد: تهييس على الماشى كدة....! الجمعة نوفمبر 21, 2008 7:21 pm | |
| هو في أيـــــــــــــــــــــــــه | |
|
abdelwahab
عدد الرسائل : 300 العمر : 40 تاريخ التسجيل : 25/08/2008
| موضوع: رد: تهييس على الماشى كدة....! الإثنين نوفمبر 24, 2008 10:17 am | |
| | |
|