اجدد الافلام والاغاني والالعاب والبرامج و الاسلاميات
 
الرئيسيةالبوابةالتسجيلدخول

شاطر | 
 

 تهييس على الماشى كدة....!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ahmedsalah_333
مشرف المنتدى
مشرف المنتدى
avatar

ذكر
عدد الرسائل : 472
العمر : 32
تاريخ التسجيل : 29/10/2008

مُساهمةموضوع: تهييس على الماشى كدة....!   الأربعاء نوفمبر 19, 2008 10:34 pm

س: إيه أكتر فيلم عربي بتحبه؟
أنا: إل بالي بالك و لو إني زهقت منه
س: لا بجد, فيلم قديم طيب؟
أنا: معظم أفلام إسماعيل ياسين
س: ممممم, يا راجل! طب إيه رأيك في أرض الخوف؟
أنا: معرفوش
س: أحمد زكي لما كان ظابط و راح إشتغل تاجر مخدرات
أنا: ماليش أنا في أحمد زكي أصلا
س: معقول متعرفش أرض الخوف, ده دينيرو قاله إنو يستاهل عليه أوسكار
أنا: ماهو دينيرو قالي أنا كمان كده, صباح القلش
س: و بعدين ماله أحمد زكي؟
أنا: يجي إيه أحمد زكي جمب واحد عبقري زي عادل الفار!
س: إيه رأيك طيب في فيلم صلاح الدين
أنا: ده فيلم كارتون ... ثواني, الناظر صلاح الدين وللا الناصر صلاح الدين!؟
س: الناصر صلاح الدين
أنا: ماشي, كده تفرق كتير ... ده فيلم وائع مالوش لازمة
س: ممممممممممم
أنا: على فكرة, حرف الميم شكله معلق عندك في الكيبورد
س: ههههههه, ماشي
أنا: و حرف الهه بيشاور عقله, إرمي الكيبورد ديه أحسن
س: إيه رأيك في شفيقة و متولي؟
أنا: مبحبش السقا و منى زكي
س: لا, التاني إسمه تيمور و شفيقة
أنا: معلش أصلي نمت فيه, لاكن متولي ده معرفوش
س: طب قولي بقى رأيك في نهر الحب؟
أنا: أنا ليا نظرية في الأفلام العربي
س: إيه؟
أنا: أي فيلم في إسمه كلمة "حب", يبقى فيلم وائع و مضروب بالنار
س: عمارة يعقوبيان؟
أنا: فيلم زبالة
س: ليه كده؟
أنا: مالوش قصه, تحس إن كاتبه واحد ترزي
س: ماهي القصة إن كل مصر بقت زبالة
أنا: حلو بس لازم برضة يبقي في فيلم مش شوية ناس ملهمش علاقة ببعض
س: لا العمارة بتجمعهم ببعض, و هي بترمز لمصر و السكان هما الطبقات المختلفة في الشعب
أنا: كفتة يعني, سيمبوليزم بتاع تالته إبتدائي
س: طب إبقى شوف أرض الخوف
أنا: في واحد إسمه زوجة رجل مهم و في ضد الحكومة دول مش بطالين
س: ماهو إل أخرج أرض الخوف هو نفسه بتاع زوجة رجل مهم إل هو محمد خان
أنا: اااه,
كلفتي يعني
س: كلفتي مين!؟
أنا: تسمع عن البلوجز؟
س: لا, إيه دول؟
أنا: مواقع على النت, حاجة كده زي الصحافه الصفرا
س: ماشي
أنا: أهو خان كان عنده بلوج إسمه كلفتي
س: فيه إيه أفلام تاني؟
أنا: سواق الأتوبيس, مش فاكره بس فاكر إن أخره عجبني و فيلم العار جامد
س: أحلى الأوقات؟
أنا: بتاع عمرو واكد و حنان ترك؟
س: أيوه
أنا: فيلم كفته
س: بتحب تشوف محمد منير؟
أنا: أيوه, لما بكون قافل التلفزيون
س: طب بتحب تسمعه؟
أنا: لما بكون قافل الراديو
س: برضه! كله إلا منتي يعني ... طب إيه رأيك في يوسف شاهين؟
أنا: مش بفهم أفلامه
س: إزاي ده عايز يوصل فكرة إن الدين لله و الوطن للجميع
أنا: لو لازم بعني يوسف شاهين, يبقي فيلم المصير كويس غير كده بطاطا
س: طب أنا حانام دلوقتي
أنا: ينفع أنشر الحديث ده؟
س: لأ
أنا: بدون أسماء طيب؟
س: لأ
أنا: خلاص حاجيب واحد صاحبي و حاسأله نفس الأسئلة و أخليه يقول نفس إجاباتك و أنشره

ملحوظة
أنا معلوماتي السينمائية فقيرة إلى حد كبير و بالتالي عذرا لو وجدت أي معلومات غير دقيقة هنا

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.ngc-maarouf.com
fadl36



avatar

ذكر
عدد الرسائل : 304
العمر : 34
من دولة :
تاريخ التسجيل : 24/06/2008

مُساهمةموضوع: رد: تهييس على الماشى كدة....!   الأربعاء نوفمبر 19, 2008 10:57 pm

منكن اعرف مين المحاور ولا دة نوع من الانفصال ؟

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fgfor.yoo7.com
ahmedsalah_333
مشرف المنتدى
مشرف المنتدى
avatar

ذكر
عدد الرسائل : 472
العمر : 32
تاريخ التسجيل : 29/10/2008

مُساهمةموضوع: رد: تهييس على الماشى كدة....!   الأربعاء نوفمبر 19, 2008 11:29 pm


دة حوار مؤلف مع شاب من اللى دماغهم مش معاهم

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.ngc-maarouf.com
kary
عضو مميز
عضو مميز
avatar

انثى
عدد الرسائل : 371
العمر : 29
تاريخ التسجيل : 29/10/2008

مُساهمةموضوع: رد: تهييس على الماشى كدة....!   الجمعة نوفمبر 21, 2008 5:48 pm

ربنا معاه ويلاقى دماغه
فعلا تهييس على الاخر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Diego2010
مشرف المنتدى
مشرف المنتدى
avatar

ذكر
عدد الرسائل : 158
العمر : 34
تاريخ التسجيل : 03/11/2008

مُساهمةموضوع: رد: تهييس على الماشى كدة....!   الجمعة نوفمبر 21, 2008 7:21 pm

هو في أيـــــــــــــــــــــــــه

_________________

DIEGO2010
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
abdelwahab



avatar

ذكر
عدد الرسائل : 300
العمر : 34
تاريخ التسجيل : 25/08/2008

مُساهمةموضوع: رد: تهييس على الماشى كدة....!   الإثنين نوفمبر 24, 2008 10:17 am


صباح التهييس

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تهييس على الماشى كدة....!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى F G للشباب العربي :: المنتدى العام-
انتقل الى: