ماليش دعوة

موضوع: ماليش دعوة الأربعاء نوفمبر 19, 2008 11:56 pm

انا عايز قرطاسي
ماليش دعوة
قرطاسي لا كان فيه ترمس ولا حمص
قرطاسي كان فيه عقلي
وعقلي مش بيض مقلي
ده عقل بني ادم يا خوالنا
قولت اريح عقلي
احطه في قرطاس
يسرقه كده مني الناس
ماليش دعوة
انا عايز قرطاسي
اللي كان فيه عقلي
افكاري بتغلي
وبعد ما بتغلي بتفور
لا عقلي مش شاي كشري
عقلي دفتر جنان شهري
مرة افندي ومرة غجري
انا عايز قرطاسي
ماليش دعوة
القرطاس كان فيه مخ مخيخي
وافكار من تمخيخي
وافكار من زحل المريخي
فين بقي قرطاسي
ماليش دعوة

قولت اريح عقلي
احطه في قرطاس
يسرقه كده مني الناس
ماليش دعوة
انا عايز قرطاسي

جميل أوي وأنت كده فكرتني بحاجه سمعتها زمااااااان

إضحك والضحك رخيص
قبل ما يغلى ويتعبا ف قراطيس
اضحك من قلبك فكها وبلاش تبويز

اضحك ع الدنيا وانساها
وانسى غدرها بك وآساها
لو ضحكت أضحك وياها
لو زعلت شكشكها بدبابيس
إضحك والضحك رخيص
قبل ما يغلى ويتعبا ف قراطيس

لو أنك زعلان من زوجتك
أو حتى متغاظ من بنتك
حاسب على حرقة دمك
مشيها كده ف التهجيص
إضحك والضحك رخيص
قبل ما يغلى ويتعبا ف قراطيس

خد شورتي واعمل بيها
الدنيا ما تسوى بما فيها
حايلها واستعبط ليها
لو حتى تعمل تعاويز

إضحك والضحك رخيص
قبل ما يغلى ويتعبا ف قراطيس
اضحك من قلبك فكها وبلاش تبويز

جميل اوى يا باشا وشبية جدا لموضوعى والاتنين فعلا ممتعين

شكرا لردك

موضوع: رد: ماليش دعوة الجمعة نوفمبر 21, 2008 6:07 pm

هوه فيه ايه
ايه الكلام ده جميل جدا

موضوع: رد: ماليش دعوة الجمعة نوفمبر 21, 2008 7:40 pm

- عش ما شئت فإنك ميت ,وأحبب من شأت فإنك مفارقه, واعمل ما شئت فإنك مجازى به

- أغار من كلماتي حين أهديها إليك..فتعجبك كلماتي ولا أعجبك أنا

انا قولت ارد وبعد كده قولت ماليش دعوه وبعد كده قولت ارد احسن موضوع رائع بجد

مليش دعوة وشكرا